رساله الى من احب

اتاخرت ليه

اتاخرت ليه ياحبيب عمرى

من زمان وانا مستنياك

غيبتك طولت عليا

سبتنى لوحدى كل الوقت ده

.
من وانا بتعرف على

وانا نفسى فى واحد زيك

واحد فى طيبتك

فى حنيتك

فى حبك ليا

وخوفك عليا

واحد
فى شقاوتك

وفى هزارك

وفى جمالك وانت بتضحك

. باختصار ياقلبى لقيتك بعد مافضلت مستنياك كتير

كان نفسى اشوفك من اول لحظة بدات اتكلم فيها من اول لحظة عرفت فيها اللى حواليا

كان نفسى تكون ملازمنى زى
ظلى

ولما لقيتك نسيت نفسى

نسيت الدنيا كلها

نسيت عمرى كله

نسيت الناس ونسيت كل حاجة

مفكرتش غير فى لحظة تجمعنا سوا

لحظة تقرب كل المسافات اللى بينا

لحظة تتلاشى فيها كل القيود

لحظة تجمعنا سوا وتبعدنا عن عيون الناس

احس معاك فيها بالامان

ميشغلش بالى غير حبك ليا

بحبك وبموت فيك

ولو غبت عنى لحظة

بموت

بس اعمل ايه

فى المسافات اللى بينا

تعرف لو كانت جبل

كنت كسرت فيه

لفاية مااجيلك واشوفك واشبع منك

مع انى عارفة ان مش هشبع منك طول عمرى

.لكن ياقلبى المسافات والبعد اللى بينا اكبر من انه يتكسر

. بجد خايفة يطول اكثر من كده ومسافات خايفة منقدرش نعدييها مع بعض .
طول عمرى بسمع عن عذاب الحب

وعذاب اللى بيحبوا

لكن مكنتش اعرف ياحبيبى ان حبنا اصعب حب ...
مستنياك ياروح قلبى

بس اوعدنى متتاخرش عليا اكتر من كده

وبوعدك انك مهما اتاخرت

هفضل على عهدى معاك

وهستناك لاخر لحظة فى عمرى...