حبيبك ياقلبي باعك

شفت فيكِ الحب وحياته

شفت فيكِ الشوق وذكرياته

شفت فى عينكِ حياتى

لقيت بين ايديكِ امنياتى
قربت منك باشتياق

طلبت منك البقاء

ملقتش منك غير فراق

مبقاش باقى الا الدعاء
جيت انهارده وايدك فى ايديه

وننى عنيك ساكن عنيه

شوقك ليه باين عليكِ

جيت وقولت الله عليكِ
لحظه وعدت على سنين

افتكرت كل اللى فيا من شوق وحنين

كنت جى اقولك بحبك

ماتت الكلمه مع الانين
خلاص انا مش هابكى تانى

هاموت الدمعه بين احضانى

وهصبر قلبى على الامانى

وهقوله حظك مع حد تانى
ياقلبى انسي انك حبيت

انسي انك يوم بكيت

انسي اللى فى يوم باعك

وبُص للدنيا وأفرد دراعك

وأوعك يوم تأمن لغيرك

ده حتى حبيبك يا قلبى باعك